Endamálið við Eftirlønarkonti er at tú kanst fáa eitt betri peningaligt rásarúm - um ein kann siga til 3. part av lívinum. Eftirlønarkonti fevnir bæði um Kapital- og Lutapensjón. Tú velur sjálv/ur um tú stovnar eina Kapital- og/ella eina Lutapensjón.

Eftirlønarkonti kann stovnast av tær, ið ikki er vorðin 60 ár og full skattaskyldug/ur í Føroyum. Tó kann inngjald gerast á hesar konti eftir 60 ára aldur.

Fyrimunir við Eftirlønarkonti
Ein av teimum størstu fyrimununum við at stovna Eftirlønarkonti, er at tann persónliga samansparda upphæddin kann dragast frá skattskyldugu inntøkuni. Tað vil siga, um tú setur kr. 1.000 inn um mánaðin, so er títt veruliga inngjaldi umleið kr. 500 um mánaðin vegna frádráttin.

Tó skal ein gjalda skatt, tá upphæddin verður útgoldin, í løtuni er skatturin 35% fyri Kapitalpensjón, meðan Lutapensjón verður skatta sum vanlig A-inntøka.

Inngjald sum arbeiðsgevarin ger á hesa kontur, skal ikki roknast sum partur av skattskyldugu inntøkuni, tí arbeiðsgevarin dregur inngjaldið frá í skattskyldugu inntøkuni, samstundis sum lønin verður flutt. Tað vil siga, at tú í hesum føri ikki hevur rætt til frádrátt.

Hevur tú lutvísa inntøku uttanlands, eigur tú at venda teg til Toll- og Skattstovur Føroya fyri at fáa vegleiðing um frádráttarmøguleikar.

Suðuroyar Sparikassi bjóðar eina høga rentu til kundar ið hava Eftirlønarkonti, sí okkara Rentustiga.
Eingin rentuskattur skal gjaldast av samansparingini, hetta gert tú við vanligar innlánskontir.

Møguleiki er at gera íløgur í virðis- og lánsbrøv umvegis Kapital- og Lutapensjón.

Um so er, at eigarin av kontuni doyr áðrenn øll samansparingin er útgoldin, fellur útgjaldið, restina av tíðarskeiðinum, til arvingarnar.


Saman við okkum finnur tú út av hvørja av hesum tú skalt stovna – kanska báðar!


Kapitalpensjón
Tann samansparda upphæddin verður útgoldin í einum við eftirlønaraldur – høvuðsreglan er í fyrsta lagi við 60 ára aldur og í seinasta lagi við 70 ára aldur. Við útgjlad verður upphæddin skatta við 35%. Kapitalpensjón ávirkar ikki aðrar almennar pensjónir.

Inngjaldið á Kapitalpensjón er í 2010 kr. 25.000.

Lutapensjón
Her verður tann samansparda upphæddin útgoldin í eins stórum ratum/lutum hvønn mánað í eitt ávíst áramál. Ein velur sjálvur hvussu nógv áramál útgjaldstíðin skal setast til – tó skal áramálið vera millum 10-25 ár, og útgjald kann í fyrsta lagi byrja 5 ár eftir kontan er stovna. Útgjaldið verður skatt sum vanlig A-inntøka.

Inngjaldið á Lutapensjón er í 2010 kr. 100.000.

Tá ið lutapensjón verður útgoldin sum vanlig A-inntøka, kann útgjaldið ávirka møguligar almannaveitingar, sum t.d. fólka- og fyritíðarpensjónir.


Vitja okkum ella ring 359870 og dagfør tína Eftirlønarkonti. Um tú ikki hevur eina – stovna so eina hjá okkum.